خدنى

تعـال أرجـوك خذنــــي لك وهاتك       ترانـي بدونـك ضايـع في حياتي

بعثـرنـي و رسيــــني في مرساتك        واقطف زهـور حبـك من شتلاتي

أبشوفك دنـيـــــــا حضـنها لمساتك        و برسـمك علـى صدري بآهاتي

أبعزفك  حـــــب بألحــان همساتك        وبسهرك قمـر تنـورلـي سهراتي

أبنـثر شوقــــي وأتغزل في حلاتك        و أكتبـك قصـايد و أوزنها بذاتي

تــدري ليه أنا أعشـــــــــق وجناتك        اسأل  شـفاتي  و فيهـــا  اجاباتي

ابشـرب الـــــروج اللي في شفاتك        وتذوق الشهـد من عسـل شفاتي

لو تبـي عــــيـني ماتغـلى وجـاتـك        فـداك رمـشي وجفـني وغمزاتي

خذ صـدري واصهر كياني بذاتك         خلنـي في حضنـك ألملـم شتاتي

أبسكنــــك و ألقـاني في خصلاتك        و ألقـاك فيـني طبعـي و صفاتي

خـذ من عمري وعيشه في حياتك         وبـقسـط لك الباقي اليـن مماتي

فقير ما أمـلك غير حبــك وغلاتك        وراس مـالـي أشعـاري وأبياتي

تعـال أرجـوك فاتني  اللـــي فاتك         هاتنـي عندك وباخـذك يا حياتي

يا غلاااى

يا غلاى.. !

ماني عارف  وايش أكتب من  أبيـات   






      من يوم شفتها و أنا مدري ايش فينـي

ماني عارف  وايش اقول من كلمـات   


      شفتها ونسيت النوم والنـوم


نسينـي

من لون  عيونها ضاعت  كل العبارات 
   
   من يوم  شفتها ما قدرت أبعد  عينـي

للحين  ماني مستوعب ذيك  اللحظات   




      الظاهر اني فيها  انجنيت  الله يشفينـي

يوم شفتها  تبتسم في وجهي ابتسامات 


     حسيت الشمس أشرقت على جبينـي

شفايفهـا وردة ! لا والله انها وردات   


     وخشمها  سيف   يجرحني و يداوينـي

فديت  عيونها وفديت ذيك النظـرات     


   فديت خدها بروحي وأيامي وسنينـي

صوتها كأنه  أنغام  وألحان و مقامـات    


     نادتني و ياويلي عليهـا يوم تنادينـي

صوتها دوا لكل  الأوجاع والآهـات    


      وحضنها الـدافي من دفـاه يدفينـي

شفتهـا ولا شفت مثلها بين البنـات    


     يازينها ومن زينها ضعت مدري وينـي

أحلف انها ملكة جمال  كل  الملكـات     




    وأنا والله اذا حلفت أصدق في يمينـي

ما أقدر  أوصفها بالأشعار والأبيـات    


     لأني من يوم شفتها مدري ايش فينـي